жергілікті жердің макеті

(Макет местности)

жергілікті жер бөлігінің оны неғұрлым жақсы сипаттайтын элементтері және жергілікті заттар көрсетілген кішірейтілген бедері. Ж.ж.м. бөлімшелерде, құрамаларда, бірлестіктерде әскерлердің ұрыс қимылын қамтамасыз ету үшін пайдаланылады. Ж.ж.м. оқу кластарында әскер қимылдарының тактикасын, артиллериядан ату ережелерін оқытуда (шағын полигонда және т.б.) пайдаланылады. Ж.ж.м. жергілікті жерді жақсы зерттеуге, оқуды жақсы меңгеруге, әскерлердің алдағы болатын соғыс қимылдарының сипатын түсінуіне көмегін тигізеді. Ж.ж.м-нің бедері, әдетте, құмнан, гипстен, пенопластан жасалады; сондай-ақ топырақ, қар пайдаланылады. Жергілікті заттар, әскерлердің жай-күйі мен қозғалысы шартты белгілермен белгіленеді немесе олардың металдан, ағаштан, қағаздан, шыныдан, резеңкеден, пластмассадан және т.б. жасалған модельдерімен белгіленеді. Ж.ж.м. кішірейтілген масштабта, әдетте, топографиялық карталарға немесе аэрофотосуреттерге ұқсас жасалады. Мұндай жағдайда 1:5000-нан 1:50000-ға дейінгі көлденең масштаб пайдаланылады. Тік масштабтар көлденең масштабтардан үлкенірек болады. Ж.ж.м. кейде жергілікті жердің кішкене бөлігіне жасалады. Ол жерде винтовкалық патрондармен артиллериялық атысты елестететін атыс жаттығуларын өткізуге болады.